2019ko udan FC Bartzelonako harrobitik iritsi zen Athletic Clubera, aurretik CA Osasunan egon eta gero. Ideiak argi dituen atezaina da Ezkieta, eta nabarmentzekoa da taldeko defentsa ordenatzerakoan erakusten duen lidergoa.

Hankekin ere ondo moldatzen da nafarra. Bere aparteko ezaugarriek etorkizunerako garantia bat izatea ahalbidetzen dute. Bigarren taldearen 2019-20 denboraldian funtsezkoa izan zen eta urte hartako Kopan paper garrantzitsua izan zuen Teneriferen aurka, geldiketa bikainekin. Azken Kopan ere hamaikakoan izan zen lehen bi kanporaketetan. Oso altua izan arren, atezain azkarra da, eta goitik datozen baloietan maila paregabea erakusten du Ezkietak.