Harrobi zurigorriaren lan bikainaren fruitua da gaztetan hasitako jokalari hau. Defentsako hainbat tokitan joka dezake eta 21 urtez azpiko Espainiako Selekzioaren deialdietan ohiko jokalaria izan da. Talde horrekin, Italian eta Luis de la Fuenteren agindupean, Europako txapeldun izatea lortu zuen. Selekzio absolutuarekin ere debutatu du. 

Espazioak betetzen azkarra eta fisikoki indartsua izanik, Ligako erdiko-atzelari onenetakoa da. 2017-2018 denboraldian lehen taldera iritsi zenetik ez dio hazteari utzi. Txapelketako defentsa talderik onenetakoa osatzeko berme osoa da Unai. Yerayekin eta Iñigo Martinezekin duen lehia gogorrak bere maila igotzera eraman dio eta aurreko denboraldian 31 partida jokatu zituen. Bere kontratua 2025era arte berritu du Athleticekin, etete klausularik gabe.