Golik gabe bukatu da partida norgehiagoka orekatu eta aukera gutxiko partida batean. Betisek aukera onak…
Golik gabe bukatu da partida norgehiagoka orekatu eta aukera gutxiko partida batean. Betisek aukera onak izan ditu lehen zatian, eta bigarrenean aldiz, zuri-gorriek euren aldeko izan dituzte garaipena Lezamara ekartzeko.
Lehenengo zatian, etxekoek zuri-gorrien eskuin hegaletik bilatu dute arriskua, eta azken minutuetan, Priscilak aukerarik onena izan du bere oinetan Betisentzako, baina Ainhoak sekulako geldiketa eginez gola sahiestu du.
Atsedenaldiaren ostean, 56. minutuan, Virgyren aukera heldu da, baina beste behin agertu da Ainhoa baloia gelditzeko. Une horretarik aurrera, aukerak Athleticenak izan dira: Erikaren jaurtiketa Betiseko atezainak gelditu du; Damarisek jaurtiketa baten bidez aukera izan du, baina Erinak kornerrera bidali du baloia; 82.minutuan, Claudiak gol-lerroaren gainetik atera du baloia, atezaina area txikitik at zegoenean.
