Athletic Club - Valencia CF Femenino
- M. Portales 48'
- Anita Marcos 82'
KokapenaLezama 2 , Lezama
Lehoiek ezin izan dute astea biribildu Valencia CFren aurka
Lehia orekatua izan da, lehen zatian batez ere, baina valentziarrek bigarren zatian erabaki dute neurketa
Athleticek 0-2 galdu du Valencia CFren aurka Lezaman, Emakumearen Nazioarteko Eguna eta Honey Thaljieh Klubeko enbaxadoreari protagonista izan dituen jardunaldi batean. Partida orekatua izan da, lehen zatian batez ere, baina Macarena Portalesek eta Ana Marcosek aldageletatik pasa ondoren erabaki dute partida valentziarren alde.
Ia ez da gol-aukerarik izan talde bakar batentzat ere partida hasieran, baina Athleticek Nekaneren ezker jaurtiketaz agurtu du lehen zatia.
Bigarren zatia hasi bezain laster Sara Ortegak langa jo du eta hurrengo jokaldian Macarena Portalesek partidako lehen gola sartu du. Valentziak lerroak batu ditu eta Iturregik jokalari berriak sartu ditu zelaian, taldeari freskotasuna emateko asmoz.
79. minutuan, Mariasun Quiñonesek, erantzun ikaragarri batekin, penaltia gelditu dio Ana de Marcosi. Hondarribikoak bikain erantzun du hurrengo jokaldian ere Valentziarren gola ekiditeko. Zoritxarrez, kanpokoen bigarren gola 81. minutuan iritsi da, lehenago penaltia huts egin zuen Ana Marcosen bitartez.
Galdu arren, Lezamak itxura ikusgarria izan du gaur, 1.200 ikuslerekin harmailetan. Lehoiak Fuenlabradara joango dira datorren larunbatean Madril CFF taldearen aurka jokatzeko.
