Madrid CFF - Athletic Club
Final zortzirenak
Kopa

Madrid CFF - Athletic Club

Madrid CFF
Madrid CFF
01
Athletic Club
Athletic Club
  • Pinedo 15'

data

KokapenaFernando Torres , Fuenlabrada

Athletic, Kopako final-laurdenetara

Lehoiek Madrid CFF mendean hartu zuten Pinedok lehen zatian egindako golari esker

Athletic Clubek Erreginaren Kopako final-laurdenetarako txartela lortu du Fuenlabradako Fernando Torres futbol-zelaian Madrid CFF mendean hartuta. Zuri-gorriak ederto ibili ziren bigarren zatian defentsan eta Pinedok lehen zatian sartutako golak talde madrildarra kanporatu zuen.

Partidako lehen kolpea etxeko taldeak eman zuen. Madrid CFF-k zutoinera egindako jaurtiketa izan zen aukerarik argiena, 13. minutuan, baina handik gutxira Clara Pinedok kontraeraso bat ederto burutuko zuen, kanporaketan lehoiak aurretik jartzeko. Erasokor bilbotarrak denboraldiko bosgarren gola lortu zuen eta konfiantza eman zien zuri-gorriei. Lehoiek ondo zaindu zuten Kundananji, aurrelari bizkorra, eta Marianaren jaurtiketa batek Ulloaren atea berriro urduritu zuen.

Bigarren zatian, hobeto atera zen talde madrildarra, aurkariaren zelaian presentzia handiagoarekin. Zambiako aurrelariak 60. minutuan eman zuen abisua berriro, zutoinera egindako jaurtiketa indartsuarekin. Iturregiren neskek kontrako arriskua izan bazuten ere, bere errenta defendatzea lortu zuten.

Athleticek partida ixten jakin zuen eta kanporaketa gainditu zuen. Lehoiak beste zazpi talderekin egongo dira Erreginaren Kopako final-laurdenetan.