Bilbao Athleticek Club Portugaleteren aurka jokatuko du bihar, 15:45etik aurrera, Lezaman, Bigarren B Mailako A multzoko II. azpimultzoko hamalaugarren jardunaldiko partidan, eta kumeak hirugarren daude sailkapenean, Amorebietatik lau puntura eta Real Unionetik bi puntura, txapelketako hamabi partida jokatu ondoren.

Joseba Etxeberriaren taldeak ez du porrota ezagutu azken hamar partidetan (urriaren 25etik), baina hiru partida daramatza irabazi gabe, Irungo taldearen, Arenasen eta Real Racingen aurka berdinketak lortuz, azken hau Sardineron lortutakoa luzapenean, Diarraren golarekin, jokalari bat gutxiagorekin ordubete jokatu ostean.

Talde zuri-gorriak bolada ona luzatu eta azken hiru partidetan lortutako puntuak garaipen batekin jarraitu nahi ditu La Floridako joaneko partidan ‘Porturi’ irabazi ostean: emaitza bi-hiru izan zen, Ewan, Artola eta Nico Williamsen golekin. Biharko aurkaria bederatzigarren dago sailkapenean eta lau partida jarraian galdu ditu Real Union, Arenas, Real Racing eta iragan larunbatean Amorebietaren aurka.

Bilbao Athletic2 : 0Portugalete