Bilbao Athleticek eta CD Mirandesek berdinketa sinatu dute Lezaman, lehoikumeen denboraldiaurreko bigarren lagunartekoan. Bingen Arostegiren taldeak partida irabazteko aukerak izan ditu.

Lehen zatia berdindua izan da bi taldeen artean. Bi taldeek, Bingen Arostegik eta Joseba Etxeberriak zuzenduak, markagailua irekitzeko aukerak izan dituzte. Lehoikumeen azpimarragarriena Ibai Sanzek izan du, Gerenabarrenaren erdiraketa on bati probetxua ateratzeko zorian egon baita. Aurrelariaren jaurtiketa Herrerok urrundu du kornerrera.

Aldaketa asko bigarren zatirako eta sentsazio onekin ekin zion bigarren taldeak jokoari. Goti eta Velezen saiakerek konfiantza eman diete zuri-gorriei eta gertu izan zuten gola. Arostegiren mutilak ondo defendatu ziren CD Mirandesen erasoetatik eta ez zuten estuasun handirik igaro atzean. Azken txanpan, Goti gola lortzeko zorian egon zen burukada neurtu batekin. Gutxigatik joan zen kanpora. Pascual eta Guruzeta markagailua irekitzear izan ziren ere. Laurogeita hamar minuturen amaieran, golik gabeko berdinketa.