Bilbao Athletic - Sestao River Club
- 42',59' Ibai Sanz
KokapenaLezama 2 , Lezama
Bilbao Athleticek jaitsiera postuak saihestu ditu beste garaipen batekin
Lehoikumeen garaipena Sestao Riverren aurkako derbian Ibai Sanzen binakoari esker
Lehoikumeen partida biribila Lezaman. Bilbao Athleticek Sestao Riverren aurkako derbia irabazi zuen Ibai Sanzen binakoari esker. Horrela, bigarren talde zuri-gorriak bigarren garaipena jarraian lortu du eta jaitsiera postuetatik irteteko aukera izan du.
Bilbao Athletic lehen zatian tematuta egon zen, partidako lehen golaren bila. Azken txanpan iritsiko zen, Ibai Sanzek Ibon Sanchezek langara bidalitako falta baten aldaratzea aprobetxatu zuenean, Iago Herrerinek gelditu ondoren. Aurrelariak, erremate akrobatikoz, aurretik jarri zituen lehoikumeak. Aurretik, bigarren talde zuri-gorriak gola sartzeko aukerak izan zituen. Bujan eta Azkune, taldeko aktiboenak hegaletatik.
Bigarren zatian, Sestao River berdinketa lortzen saiatu zen, baina Ibai Sanzekin egin zuen topo berriro, Herrerin azpitik gaindituz. Hortik aurrera, Bilbao Athleticek bere errenta defendatu zuen, beste ate bat hutsean zigilatzeko. Garaipen oso garrantzitsua Jokin Aranbarriren mutilentzat. Zamora bisitatuko dute datorren astean. Bi partidetatik bi garaipen bigarren itzulian.
