Gimnàstic de Tarragona - Bilbao Athletic

Lehoikumeek bolada bikainean jarraitzen dute Tarragonako Nou Estadi zelaian Nastic 0-2 gainditu eta gero. Bilbao Athleticek 34 puntu ditu jada, eta Primera Federacion mailako sailkapeneko zonalde gorenean finkatu da. Talde osoaren aparteko neurketan, Ibai Sanzen eta Varelaren golek erabaki zuten norgehiagoka urtarrilaren 12tik porrotaren berri ez duen eta golik jaso ez duen Jokin Aranbarriren taldearentzat.

Bilbao Athletic bikain zelairatu da berdegunera eta partidako lehen aukera Regorentzat izan da. Lehoikumeak nagusi ziren jokoan eta berehala aurreratu dira markagailuan. Olabarrietak ondo botatako erdiraketa baten ondoren, Ibai Sanzek bigarren zutoinean harrapatu eta baloia sareetara bidali du. Nasticek lotsati erreakzionatu du, baina etxekoek lehen zatian gola egiteko izan duten abagune bakarrean Santosek erantzun ona eman du. Lezamakoek berehorretan jarraitu dute eta  Ibon Sanchezek, eskuineko hankarekin egindako jaurtiketa batekin, bigarrena egitetik gertu egon da.

Atsdenalditik bueltan, Bilbao Athleticek soropilean sendo segitu du. Estutasun handirik gabe, abiadura berean jarraitu du jokoaren jabetzan eta aukeren sormenean. Hala ere, 73. minutuan, Santosek eskua atera behar izan du Nasticen berdinketa saihesteko. Jokin Aranbarrik aldaketak egin ditu eta eragin azkarra izan dute. Varelak, berdegunean sartu berritan, ezkerkada geldiezina bota du area ertzetik eta partida erabaki zdu lehoikumeentzat.

Bosgarren garaipena jarraian eta bosgarren partida golik jaso gabe Bilbao Athleticentzat, gorantza begira jarri dena datorren ostiralean, otsailak 21ean, 20:30ean, Lezaman CD Lugo hartu aurretik.