Bilbao Athletic - CP Cacereño

Bilbao Athleticen porrota Lezaman Cacereñoren aurka. Kanpoko taldea lehoikumeak baino gehiago izan ziren eta bere aukerak aprobetxatu zituen talde zuri-gorriari min egiteko, nahiz eta bigarren zatian hobetu.

Bilbao Athleticek partida hasiera zaila izan zuen. Cacereño bere aukeren zain egon zen eta minutuek aurrera egin ahala hazi egin zen. Gomezek langara bidali zuen abisua burukada batekin eta Emiren eta Raulen golak zigortu zituzten etxeko taldea. Lehoikumeek zailtasunak izan zituzten Diegoren ate inguruan arriskua sortzeko. Ibon Sanchezen jaurtiketa bat izan zen abagune bakarra.

Aldaketak bigarren zatian eta presio handiagoa zuri-gorrien aldetik, partidan sartu baitziren Ibai Sanzen golari esker, oraindik ordu erdi aurretik zegoenean. Bigarren talde zuri-gorria saiatu zen, baina ez zuen partida berdintzen asmatu. Amaierarako hamar minuturen faltan, Ivan Fernandezek partida erabakita utzi zuen bisitarien mesedetan. Hierrok zutoinarekin topo egin zuen luzapenean.