Bilbao Athletic - CD Extremadura

Albiste txarrak Bilbao Athleticentzat. Lehoikumeek denboraldiko lehen porrota jaso dute Lezaman CD Extremaduraren aurka galdu ostean. Solak bigarren talde zuri-gorria aurreratu zuen, baina Extremadurako taldeak partida bideratu eta Llopisen taldearen hasierako kolpea irauli zuen.

Gauzak primeran hasi ziren. Solak eman zuen indarra Bilbao Athleticen hasiera bikainean, lehoikumeak aurreratzeko jaurtiketa estu batekin. Jokoaren kontrola eta aukerak. Hala ere, defentsako bi desorekek hegalak eman zizkioten Extremadurari, Kike Marquezen eta Diegoren golei esker. Llopisen taldea partidara lotzen saiatu zen berriro, baina bisitarien abantailak bere horretan jarraitu zuen.

Bigarren zatian kanpotarren defentsa lana izan zen nagusi, Bilbao Athleticen saiakerei bikain aurre eginez, argitasun apur bat falta izan baitzitzaion. David Rochak zuzentzen duen taldearen hurbilketa bakanetako batean erabaki zuen norgehiagoka Escuderok. Lehoikumeek beste golen baten bila bultzatu zuten, jokalari bat gehiagorekin azken txanpan, baina ezin izan zuten urteko lehen porrota saihestu. Datorren astean, Lezaman, Real Unionen aurka, irabazteko aukera berria.