ESERLEKUAK AGORTU DIRA

San Mameseko edukieraren %100 itzulerarekin, athleticzaleentzako txartela 240 euroan berraktibatuko da.

28 urte arteko gazteek erosi ahal izango dute (*barne).
14 urtetik gorako gazteek txartel digitala izango dute Athletic Clubeko app ofizialaren bidez (abonu horiek ezin izango dira utzi pertsonalak eta besterenezinak direlako).
Ligako partida guztiak sartzen dira, urriaren 23ko Athletic Club-Villarreal CF partidatik hasita, eta Kopako partidak final-laurdenetatik aurrera, Athletic Club sailkatuz gero.
GAZTE ABONOAren eserlekuak Goiko Hego Harmailako 323. eta 324. blokeetan daude.

*1993ko uztailaren 1etik aurrera jaioak. GAZTE ABONOA egiten diren 14 urtetik beherako abonatuek adin nagusiko pertsona batekin joan beharko dute.

Urriaren 19tik (asteartea) aurrera, 10:00etan, berritu ez diren 393 eserlekuak ere alta berrien bidez eros daitezke, 2021/22 denboraldiko gainerako partidetarako GAZTE ABONOA erosteko.
Lehen aldiz bazkidetu nahi direnek esteka berean bete beharko dute eskabidea web bidez.
Eskabidea bete eta ordaindu ondoren, klubak hurrengo egunetan jakinaraziko dio GAZTE ABONO berriari, izena emateko erabili duen posta elektronikoaren bidez, bere bazkide-zenbakia eta dagokion PIN zenbakia, Athletic Clubeko aplikazio ofizialeko NIRE KARNETA atalean sartzeko.
Bertan, GAZTE ABONOA berri bakoitzak bere txartel digitala izango du, 2021/22 denboraldirako QR sarbide-kodearekin.
2007an eta hurrengo urteetan jaiotako adingabeak karnet fisikoarekin sartu beharko dira zelaira. Eskabidea bete eta ordaindu ondoren, txartel fisikoa San Mameseko Bazkideentzako Arreta Bulegoan jaso beharko dute, jatorrizko NANa eta karnet tamainako argazki eguneratua aurkeztuz, urriaren 21etik aurrera 8: 00etatik 18:30era (ostiralean 18:00ak arte).
1993ko uztaila eta 2006ko uztaila bitartean jaiotakoak eta txartel fisikoa nahi dutenek San Mameseko Bazkideen Arretarako bulegoan eskatu beharko dute urriaren 21etik aurrera, 8:00etatik 18:30era (ostiralean 18:00ak arte).