Athletic Clubeko Ohar Ofiziala
Kluba

Athletic Clubeko Ohar Ofiziala

Mari Lacruz jokalariari ezarri dioten zigorrari buruzko iritzia plazaratu gura du Athletic Clubek ohar ofizial…

Athletic Club
Athletic Club
2001ko abe. 14a

Mari Lacruz jokalariari ezarri dioten zigorrari buruzko iritzia plazaratu gura du Athletic Clubek ohar ofizial honen bitartez. 1.- Lehenengo eta behin Batzordeek zein epaileek egiten duten lanarekiko errespetu osoa adierazi gura du Athletic Clubek. Aipaturiko begirunearen adibiderik garbiena gure Clubaren estamentu orok erakutsi duten portaera litzateke. 2.- Arestian esandakoak ez dauka inolako zerikusirik Athletic Clubek, Mari Lacruz jokalariari ezarri dioten zigorra dela eta, sentitu dituen egoneza eta harridurarekin, eta horrela adierazi gura dugu publikoki. Halaber, jokalariaren portaera nabarmendu gura du Athletic Clubek. Lacruzek bere profesionaltasuna erakutsi du lehendabiziko unetik, ixil ixilik mantendu baita norgehiagoka amaitu zen une beretik, sufritu duen irainari muzin eginez. Gainera, Lehiaketa Batzordetik kanpoko eragileek sortu duten egoera ezohikoa pairatu behar izan du jokalariak. 3.- Athletic Clubek beren interesak, hots, beren bazkide zein zaletuenak, defendatuko ditu beti. Beraz, gure zerbitzu juridikoek egungo kirol arautegiak eskaintzen dituen bide guztiak jorratuko dituzte, jokalariak jaso duen zuzengabeko zigorra bertan behera gera dadin. 4.- Azkenik, deialdi publikoa egin gura du Athletic Clubek beren bazkide eta zaletuei zuzenduta, gure lehen taldeari orain arte eskaini dioten sostenguari euts diezaioten, datozen jardunaldiotan datozkigun kirol lehiak gainditu ahal izateko.