Athletic Clubek antolatzen duen Peqei buruzko erakusketaren inaugurazio ofiziala BIHAR, MAIATZAREN 3an izango da, 09.00etan Enkarterri Museoan, Sopuertako Abellaneda auzoan. Aipaturiko erakusketaren bitartez Athletic Clubek omenaldia egin gura die hainbeste urtetan gure taldearen arrakastak eta porrotak gogoz eta bihotzez sentitu dituzten peqa guztiei. Peqen kopuru, kokaleku, antzinatasun, antolaera, gomuta, pozen eta truisturen gaineko azalpen laburra da. Peqen iragana, oraina eta, zelan ez, zuri-gorriari estu-estu loturiko geroaren kontakizun gartsua da. Ordutegiak honako hauek dira: Astelehenetik zapatura, goizez 10etatik 14etara eta arratsaldez 16etatik 18etara. Domeka eta jai egunetan, goizez 10etatik 14etara. Honako hauek dira erakusketaren atalak: Athletic Clubarekin finalera. Argazkiak erakusteaz gain, 1902eko Kopa, lortutako azken txapelketa ofizialak (1983-84 Liga eta Kopa) eta 40. hamarkadako jabegoan dauden Kopak. Taldetik jokalarira. Peqen laguntza hainbat jokalariei Peqen Federazioak (Erregulartasunari Saria) nahiz Peqen Elkargoak (‘Bihar Lehoia izango da’) ematen dituzten sariak. Urteurren bakoitzean. Peqek eskaintzen diotena Athletic Clubeko efemeride guztietan. Laguntasun loturak sendotzeko. Kongresua, non Kongresuen inguruko errepasoa eta, lehen aldiz, ia kartel ofizial guztien orijinalak ikusgai egongo diren. Athleticen alde leku guztietan. Peqa beteranoak aukeratu dira guztien ordezkari gisa. Hauen artean zaharrena Cuencako Minglanillarena dugu, 1932an sortua, lehen estatutuak 1949koak diren arren. Atal honetan peqisten karneta zaharrak agertzen dira, Bilbora egindako lehen bidaien zerrenda, opariak eta oroimenaren kutxatik ateratako hainbat argazki.