Athletic Clubaren agiria

1-EEFF-ren agiria jaso du Athletic Clubek, bertan zerau azaltzen da: gure jokalaria den Carlos Gurpegi Nausiak fisiologikoki arruntak baino altuagoak diren 19 nor-androsteronaren mailak eman zituela irailaren 1ean Liga Txapelketako Reala eta Athletic Cluben arteko partidaren ostean egindako kontrolean.

2-Bere jokalariak ez duela inolako produkturik hartu, ezta antzekorik ere, eta klubeko zerbitzu medikoek ez diotela eman azpimarratu gura du Athletic Clubek.
Ildo beretik, gure konfiantza osoa adierazi gura dugu jokalariak berak erakutsi duen portaera eta ibilera, eta baita ere gure zerbitzu medikuena.
Halaber, Carlos Gurpegiren aginduetara zerbitzu tekniko zein juridiko guztiak jarriko dituela jakinarazi gura du Athletic Clubek, aipaturiko indizeen jatorria argitzeko asmoz.

3-Egungo arautegiaren araberako kontraanalisia eskatzeaz gainera, behar beharrezkoak diren froga guztiak egiteko prest dagoela dagokien erakundeei jakinaraziko die Athletic Clubek. Helburua zerau da: beste kasu askotan gertatu den legez, hartzearekin harremana ez duen jatorria izan dela frogatzea.

4-Zalantzak argitzeko eta hedabideen galderei erantzuteko, Andoni Zubizarreta kirol zuzendariak; Sabino Padilla, zerbitzu medikoen burua eta Carlos Gurpegi jokalariak, prentsaurrekoa eskainiko dute abenduaren 11an, 12.30etan Lezamako prentsa bulegoan.