Berebiziko pausoa eman berri du emakumezkoen Athletic Clubeko taldeak, Puebla 5-1 mendean hartuz. Horretaz gainera, bere eskerronarik zintzoena adierazi gura dio Athletic Clubek zalego zuri-gorriari, garaipena eskuratzeko izan duen jarrera paregabea dela-eta. Oraingoan ere behar den tokian egoten eta edozein talde zuri-gorriari sostengua ematen jakin badakiela erakutsi du gure zalegoak, aurrez aurretik zeuden aurreikuspenik baikorrenak gaindituz.
Ildo horretan, gure emakumezkoen taldearen San Mameseko lehen esperientzia izanik, eskerrona emateaz gainera, barkamena eskatzeko aprobetxatu gura du Athletic Clubek, hainbat pertsonek zelaira sartzeko pairatu dituzten zailtasunak direla-eta. Esan bezala, erreferentzien eza dela medio, eta lehiatiletan zein sarreretan 12:10ak aldera zeuden iladak ikusita, ateak zabaltzea erabaki dugu, partida ikusteko ahalik eta atzerapen gutxien egon zedin. Beraz, eskerrona eta barkamena azpimarratu gurako genituzke egun zoriontsu honetan.