Athletic Club Valentzian dago

Athletic Clubeko espedizioa valentzian dago. Arratsaldeko zazpiretan irten da Palmako aireportutik eta 33 minutuko hegaldiaren ostean ia ordubete pasatu behar izan du aireportu eta hotelaren arteko bidean Silken Puerta de Valenciara iritsi arte. Heldu eta berehala, 21:15ean afaldu dute zurigorriek. Bihar Ligako hamargarren jardunaldiko partida aurreko azken lan saioa egingo da Paternan 17:30ean.

Ana Urkijo presidentea hotelera heldu da 23:00ak inguruan. Valentzian dago bertako futbol taldeak espreski egin dion gonbidapenari erantzunez futbol zelaiaren maketa berria aurkezteko antolatu diren ekitaldietan parte har zezan. Ostiralean, azaroaren 10ean, egingo dira aipaturiko ekitaldiak: eguerdiak galako bazkaria eta 19:30ean maketaren aurkezpena Arte eta Zientzien Museoan.

Honen inguruan bere “eskerrona” agertu gura dio presidenteak Valentziari jasotako gonbidapenarengatik eta, era berean, zerau berresten du: “Atentzioz segituko ditugu ireki berri den prozesu hau eta baita ere edozein club zein KEAren azpiegituren hobekuntza suposatuko diren guztiak. Nahiz eta ekimen desberdinak izan, guztietatik irakaspenak ateratzen saiatuko gara zelai barria eraikitzearen proiektuari begira, Athletic Clubarentzat estrategikoa dena, lagungarriak izango direlakoan”.