Athletic Club 0 Torrejon 0: Txapeldunak

Emakumezkoen taldeak bere laugarren Superliga eskuratu berri du Torrejonen aurkako partida husnako berdinketarekin amaitu eta gero. Gainera Espanyol arerio zuzenak etxean galdu du, 3-5, Rayo Vallecanoen aurka.

Ia 30.000 ikusleen sostengua izan dute zurigorriek (Harmaila Nagusia eta Ekialde Harmaila leporaino egon dira eta ia ia Hego zein Ipar Aurrealdeak) eta partidan erakutsi duten nagusitasunak golaren saria ez badu izan, berdinketa nahikoa izan da Superliga eskuratzeko.

Partidaren amaieran, protagonista zuzenen iritziak jaso ditugu (web honetan bertan eskuragaia dauzkazuenak) eta baita Juan Manuel delgado presidentearenak. Haren aburuz, “Club oso baten arrakasta da eta baita daukagun zaleri zoragarriarena, izugarrizko sostengua eman baitiote taldeari txapelketako azken txanpan. Gaur agertu diren 30.000 pertsona dira lekukorik onena, zaila baita oso harrobiko talde batentzat azken bost Superligetatik lau eskuratzea. Une hauetan nire eskerrona luzatu gura diet teknikari eta jokalariei eta baita ere nire tokian egon zen Fermin Palomar eta zuzendaritza batzako gainerako kideei”.

Superligako azken partidan honako hamaikakoa aurkeztu du Iñigo Juaristi entrenatzaileak: Ainhoa, Vanessa, Marta M., Itziar (k.), Guru, Tzibi J., Orueta, A.Olabarrieta, Ibarra, Erika eta Eba.

Aulkian Andere, Uriagereka, L.Zabala, I.Murua, Jessi, Zarate eta Lorena egon dira.

Torrejon: Noe, Laura, Marga, Amaya, Marta, Marti, Esther, Saray (k.), Ana Rubio, Patri Sanz eta Esther Cuesta. Aulkian Soraya, Lucía, Raquel, Jade eta Luki daude.

Epailea Piñeiro izan da.

(24′) Aldaketa Athletic Cluben: Lorena Oruetaren ordez.
(57′) Aldaketa Torrejonen: Lucia Patri Sanzaren ordez.
(67′) Aldaketa Athletic Cluben: I.Murua Gururen ordez.
(82′) Txartel horia Amayari.
(84′) Aldaketa Torrejonen: Jade Esther Cuestaren ordez.
(88′) Aldaketa Athletic Cluben: L.Zabala Tzibiren ordez.
(91′) Aldaketa Torrejonen: Luki Amayaren ordez.
(93′) Aldaketa Torrejonen: Raque Sarayaren ordez.