Ezohiko Batzar Nagusia: Fernando Garcia Macua eta Juan Antonio Zarateren hitzak

Athletic Clubeko Zuzendaritza Batzak Gizarte-estatutuetako 20, 23 eta 54/2 artikuluetan jasotzen denez, Athletic Clubeko bazkide konpromisarioei dei egiten die Ezohiko Batzar Nagusira. Batzarra Bilbon egiten da, Euskalduna Jauregiko Auditoriumean, 2007ko abenduaren 18an, 19:15ean lehenengo deialdian eta 19:30ean bigarren deialdian, ondoko gai zerrendaren arabera.

GAI ZERRENDA

1. 2007/2008 Ekitaldi Ekonomikorako prestatu den Aurrekontuaren onarpena, horrela erabakitzen bada, kuoten egokitzapena barne.
2. Eskari-galderak.

Asanblada clubeko idazkariak, Monica Durangok, hasi du etorritakoei euren presentzia eskertuz. 19:30etan hasi da (bigarren deialdian) eta 384 bazkide konpromisario bertaratu dira.

Athletic Clubeko presidente den Fernando Garcia Macua jaunak hartu du hitza, eta aurreko asanbladaren bukaeran esan zuena argituz hasi da, izan ere, uste du gaizki hartu zituztela bazkide konpromisarioei egindako zentsura gisa ulertu zituztenek, eta ez zen hori bere asmoa.

Hortik aurrera, bozkatzeko aurkeztuko den aurrekontua nola egin den azaldu du, eta egungo aurrekontuaren eta aurrekoaren arteko itxieran dagoen aldea azpimarratu, horri esker zenbait partida egokitu daitezke eta kuotak gutxiago igo (%13 inguru). Batzodeko kontuhartzaile den Juan Antonio Zaratek, zehaz mehatz azaldu du bere parte hartzean.

Konpromisarioei aurrekontua onartzeko eskatu die, bazkidearen erantzukizuna eta konpromisoa aintzat hartuta.

Jarraian, Juan Antonio Zarate zuzendaritzako kideak, Zuzendaritzak ekitaldi honetarako proposatutako aurrekontua aztertu du, eta bazkideei eskerrak eman dizkie egindako iradokizunengatik. Proposamena oinarrizko hiru alorren artean beharrezkoa den uztarketa eta orekan oinarrituta dago, alor horiek ekonomikoa, instituzionala eta kiroletakoa dira.

BOZKETAREN EMAITZA

1. Eta egoki ikusten bada, 2007/2008 Ekitaldi iEkonomikorako aurrekontua onartzea, kuotak egokitzeko proposamena barne.

Bai: 382 (50’52%)
Ez: 337 (44’57%)
Zuri: 11 (1’45%)
Baliogabeak: 26 (3’43%)
Guztira: 756