IPAR KUTXA, Athletic Club Fundazioaren kide estrategiko berria
Kluba

IPAR KUTXA, Athletic Club Fundazioaren kide estrategiko berria

Bihar, urtarrilaren 11an, ostiralean, 12:00etan Ipar Kutxak Athletic Club Fundazioaren kide estrategikoa bezala sinatu du…

Athletic Club
Athletic Club
2008ko urt. 11a

Bihar, urtarrilaren 11an, ostiralean, 12:00etan Ipar Kutxak Athletic Club Fundazioaren kide estrategikoa bezala sinatu du Lezamako Kirol instalazioetan.

Fernando Garcia Macua, Fundacion Athletic Club Fundazioaren presidentea, Jon Zapirain Bilbao, Fundazioaren koordinatzaile orokorra, eta Carlos Oses Irulegui, Ipar Kutxaren zuzendari orokorra, dira ekitaldi honetan parte hartu dutenak.

Bezeroen alde lau hamarkadatik gorako ibilbidea egina duelarik, IPAR KUTXA oso-osorik identifikatzen da talde zurigorri historikoaren eta bere Fundazioaren baloreekin: harrobiaren eta oinarrizko kirolaren sustapena, pertsonen prestakuntzarekiko konpromisoa kirol jardueraren bitartez, gizarte ekintza, integrazioa eta elkartasuna. Ildo honetan, IPAR KUTXAk bat egin du Fundación Athletic Club Fundazioaren filosofiarekin, irabazi-asmorik gabeko erakunde honek lan eskerga egina baitu kirol, kultura eta gizarte arloko ekintzak sustatu eta zabaltzen, eta bereziki gazteen artean kirola egiteko ohitura eta ikasketa-zentroak, eskolak eta oinarrizko kirol taldeen sorrera bultzatzen.

Kirolaren alorrean, IPAR KUTXA herri kirolei lotuta egon izan da, eta berrikitan, alor honetako partaidetza handitu nahian, Bilbo aldean antolatzen diren herri-lasterketa eta kirol gertaerarik garrantzitsuenetako batzuk babestea erabaki du, hala nola, Maratoia, Erdi Maratoia, Areeta-Bilbo Lasterketa edo Itsasadarrekon piragua-zeharkaldia; gertaera herrikoiak guzti-guztiak, eta partaidetza kopuru ederrak lortu ohi dituztenak.

IPAR KUTXAk 384 langile eta 142.000 bezero ditu gaur egun. Bere 86 bulegoak Bizkaia eta Arabako udalerri nagusietan zehar sakabanatuta daude. Fundación Athletic Club Fundazioarekin bat egiteko erabakia aurrezki-erakundeak hasitako aro berriaren baitan mamitu da, luze gabe erakundeak finkatuta izango dituen plan estrategiko berriaren abiaraztea eta irudi korporatiboaren berritzearekin batera.

Beste esparru batzuetan, IPAR KUTXAk lankidetza-hitzarmena sinatua du Adecco fundazioarekin, ezintasunak dituzten pertsonak gizarteratu eta lan-munduan txertatzearen aldeko ekimenak bultzatzeko asmoz. Horrez gain, sostengua ematen die nekazaritza arloko kooperatibei eta kirol amateurra sustatzen duten zenbait kultur eta kirol elkarteri, eta laguntza ere ematen die kooperatiben balioak hedatu edota lehen sektorearekin hartu-emanetan sartu eta laguntza-eskeei kasu egiten dieten argitalpenei.

+
Informazio gehigarria
GaleriakBestelako galeriakBideoakAudioakAtxikitutakoakFitxakLoturak