‘Ereserki baten historiak’ erakusketaren inaugurazioa

Ostegunean, apirilaren 3an, Athletic Clubeko Garaikur eta Erakusketa Aretoan (San Mames, 26. atea), pasa den igandean, martxoaren 30ean hain zuzen ere, bete zen Klubeko himno ofizialaren 25. urtemuga dela eta, “Ereserki baten historiak” erakusketa inaguratu da. Bertan mende luze bat baino gehiagoz Athletic lagundu duten kanten sormena eta bilakaera jasotzen da.

Ekitaldi honetan ere “Athleticen kantak. Un siglo de canciones rojiblancas” diska aurkeztu da. Klubek prestatutako erakusketa egiteko egin den ikerketa lanaren bitartez, Athletic Clubarekin harremana duten hamalau kanta jasotzen dira.

Inaugurazioaren ekitaldian parte hartu dutenen artean, honako hauek ala euren senitartekoak egon dira: Antton Zubikarai, Carmelo Bernaola, Goyo Nadal, Timoteo Urrengoechea, Kepa Junkera, Los 5 bilbainos, Indarra, La Otxoa eta M.C.D-k. Hauetaz gain, ordezkari instituzionalak, Euskal Herriko Meatzaritza Museoaren ordezkariak, Fernando Garcia Macua Athletic Clubeko presidentearekin batera, batzakideak, lehen taldeko teknikari zein jokalariak eta Jokalari Ohien ordezkariak egon dira.

Aurrekoarekin lotuta eta Espanyolen aurkako partidaren atarikoetan Bilboko Udal Bandak eta Txistularien Bandak Athleticeko himnoa joko dute bere estreinaldiaren 25. urtemuga dela eta. Oro har, 47 musikari irtengo dira San Mamesera Iñaki Urkizuren zuzendaritzapean.