Ohiko Batzar Nagusia (I)

Athletic Clubeko Zuzendaritza Batzak Gizarte-estatutuetako 19, 23 eta 54.2 artikuluetan jasotzen denez, Athletic Clubeko bazkide konpromisarioei dei egiten die Ohiko Batzar Nagusian parte har dezaten. Batzarra Bilbon egingo da, Euskalduna Jauregian, 2008ko urriaren 8an, eguaztenean, 19:15ean lehenengo deialdian eta 19:30ean bigarren deialdian, ondoko gai zerrendaren arabera.

GAI ZERRENDA

LEHENA. Aurreko ihardunaren Kontuak, Txostena, Balantzaren eta aurreko ihardun ekonomikoari dagokion Kudeaketaren onarpena, horrela erabakitzen bada.

BIGARRENA. Hurrengo Ekitaldi Ekonomikorako prestatu den Aurrekontuaren onarpena, horrela erabakitzen bada, kuoten egokitzapena barne.

HIRUGARRENA: Giza Estatutuen aldaketa edota erreformaren prozesuaren irekiera eta, beraz, Estatutuen Lehen Xedapen Erantsiaren arabera:
a) Estatutuak aldatzeko akordioari baietza ematea.
b) Estatutuen Erreforma Proiektua idatziko duen Batzordearen kide biren izendapena Batzar Nagusiaren aldetik.

LAUGARRENA. Zuzendaritza Batzaren egitasmoak eta proposamenak.

BOSGARRENA. Bazkideek egin litzaketen proposamenak, baldin eta Batzarra ospatu baino bost egun lehenago aurkeztu badira eta bazkide konpromisarioen %10ek edo bozka emateko eskubidea duten bazkideen %2ek sinaturik badatoz.

SEIGARRENA. Eskari-galderak.

Monica Durango andreak asanbladari hasiera eman eta bertaratutakoei asistentzia eskertu die. Bertan, 19:30erako 338 bazkide konpromisario egon dira.

Azken urte honetan hildako bazkide, jokalari eta zuzendaritza kideen omenez minutu bateko isilunea egin ondoren, Athletic Clubeko presidente den Fernando Garcia Macua jaunak hartu du hitza asanblada.

‘Arratsalde on danori eta ongi etorriak Batzar Nagusira.

Gaurkoa da, zalantzarik gabe, bazkideok daukagun urteko zitarik inportanteena. Aurten, gainera, klubeko etorkizunari begira, funtsezko erabakiak hartuko ditugu. Batetik superabita aurkeztuko dugu kontuetan, aspaldiko partez, baina oraindik pausu asko eman beharko dugu gure ekonomia sendotzeko.

Bestetik, gure Athletic gardenago, irekiago eta demokratikoago egiteko, Estatutuen erreforma hastea proposatuko dugu. Guztion eskutan dago eta, beti bezala, konpromisarioen ardura agerian geratuko dela ziur nago.’