Athletic Club Sevillan dago

Athletic Clubeko espedizioa Sevillan dago asteazkenean, otsailaren 4an, Kopako finalerdietako joaneko partida jokatzeko.

Zurigorriak arratsaldeko hirurak eta hogeian irten dira Lezamatik aireporturantz eta lau t’erdietan hegaldia hartu dute. Lezamako instalazioetatik irten baino lehen Lezamako gazteek, urtero ohikoa den legez, Agate Deunaren kantak abestu dituzte gure jokalari zein teknikarientzako.

Hegaldia normaltasunez burutu da eta 17:40ean heldu da Sevillako aireporturantz, Sandra Aurtenetxe, Juan Manuel Delgado eta Jorge Alejandre batzakideak buru zirela. Taldearekin batera hainbat kazetarik eta zalek ere bidaia egin dute. Sevillan zeru grisa eta euriarekin egin dute topo.

Espediziokideak hotelean daude orain, 20:00etarako David Lopezek eta Ustaritzek sinadura ekitaldia burutuko dute eta 21:00etarako prest dago afaria.