‘Nuestro Athletic’ ipuinaren aurkezpena

Nuestro Athletic, haurrentzako ipuina gaztelaniaz, aurkeztu dute gaur Lezaman. Fernando Garcia Macua Athletic Clubeko eta Josu Jon Imaz Petronorreko presidenteekin batera, Antton Irusta kontatzailea eta Enrique Morente marrazkilaria ere mintzatu dira. Bertan, Javi Martinez eta David Lopez jokalariak izan dira ekimenaren alde egiteko.

Joandako abenduan Durangoko Liburu azokan aurkeztu zen Athletic geuria euskaraz egindako jatorriaren gaztelaniazko bertsioa da Petronorrek babestutako argitalpen hau, eta 3.500 ale saldu dira dagoeneko.
Athleticen inguruko istorio originala da, Bizkaia osoarentzat Muskizetik kontatua. Bertako aitita batek Nerea ilobari Athleticen ehun urteko historia kontatzen dio. Pitxitxitik Joseba Etxeberriara, Zarra, Panizo eta Gainza, eta Gabarra ahaztu gabe.

Kontaketaren bitartez, Lezamako eta Somorrostroko Gazte Kirolaren futbol oinarriek protagonismoa hartzen dute, eta baita futbolean nesken sartze progresiboa ere, zelaitik kanpo zein barruan.
Baloreen gaineko liburua da. Esfortsuarena, irmotasunarena, kide izatearena, ilusioarena, inguru familiarrarena, eskolarena, zaletasunarena, adiskideena…

Gaztelaniazko lehen edizio honen 2.000 ale argitaratuko dira hasiera batean, eta salgai egongo da 13 €-tan (BEZ barne). Elkarrek egingo du merkataritza-banaketa ohiko bideen bitartez.