Presidentearen prentsaurrekoa

Fernando Garcia Macua presidenteak prentsaurrekoa eskaini du maiatzaren 14an, ostegunean, 11:00etatik aurrera Valentziako Hilton hotelean. Presidenteak bere portaera eskertu gura izan dio gure zalegoari: “Primeran egon da eta taldeak dena eman du Bartzelona handi baten aurka. Partida galdu dugu, baina autoestimua irabazi dugu. Munduari Athletic hemen dagoela esan diogu, modelo ezberdina dagoela, futbola ulertzeko modu ezberdina, galdu ala irabazi. Galdu arren finala izan den inflexio-puntua aprobetxatu behar dugu eta aurrerapausoa eman erakunde bezala. Belaunaldi zurigorri berriak ondo kudeatu behar dugu”.

Halaber zerau esan du: “Antolakuntzarekin loturiko gauak sakonki aztertuko dugu. Nire ustez harrera ona izan du Athletic Hiriak, ez da beste munduko iskanbilarik gertatu eta hor gure zalegoa pozik egon da. Klubeko langile batzuk Bilbon daude jada eta ziurrenik Udaletxean eta Foru Aldundiak harrerak prestatu dituzte 19:30etarako. Garaiz informatuko dugu”.