Ordutegiak eta egutegiak Portugalen

Hona hemen Vila Real de Santo Antonion (Portugal) jokatuko den Guadiana Sariaren ordutegiak eta partehartzaileak:
Uztailak 16, osteguna: Finalerdia, Athletic Club-Benfica. 21:15ean (Portugalgo ordua)
Uztailak 17, ostirala: Anderlecht- Sporting Clube Olhanense. 21:15ean (Portugalgo ordua)
Uztailak 18, larunbata: Hirugarren eta laugarren posturako 19:00etan (Portugalgo ordua)
Finala 21:15ean (Portugalgo ordua)

Sport Lisboa e Benfica-Futebol SAD portugaldarrak, hirugarren amaitu berri du Liga eta Ligako Kopa eskuratu du aurtengo denboraldian. UEFA Europa Leaguerako txartela eskuratu du. Gaur bertan “hasierako akordioa” lortu du Quique Sanchez Flores entrenatzailearekin falta zitzaion denboraldia bertan behera uzteko. Prestakuntzari dagokionez, Guadiana Saria da baieztatu duten lehen hitzordua. Euren bazkideen aurreko estraineko partida uztailaren 21ean izango da Atletico Madril taldearen aurka. Ostean Amsterdamgo Saria, utailak 24-26, Guimaraes Hiriko Saria, uztailak 31-abuztuak 2, eta Eusebio Cup, abuztuak 8, Milanen aurka jokatu beharko ditu Liga eta UEFA Europa League txapelketetan parte hartu baino lehen.

Anderlecht Belgikako Ligan bigarren geratu da, guretzat horren ezaguna den Liejako Standarden atzetik. Ariel Jacobsen jokalariek denboraldiaurreari ekainaren 18an hasiera emango diote eta hilaren 27an lehendabiziko lagunartekoa jokatuko dute, Knokkeren aurka haion zuzen ere. Ostean, Eendracht Aals eta RFC Tournai arerioak izango dira Austriako Innsbruck hirira abiatu baino lehen. Bertan Zenit St-Petersburg izango dute aurkari. Bruselaseko taldeak Champions Leaguean egoteko hirugarren kanporaketa jokatu beharko dute uztailaren 28/29 eta abuztuaren 4/5ean.

Olhanense portugaldar taldeak Bigarren Mailako txapelketa eskuratu berri du eta horrekin batera Lehen Mailan jokatzeko txartela, 34 urte eta gero, nahiz eta bere historian Lehen Mailako 15 denboraldiko eskarmentua duten. Berrogei mila biztanleetara heltzen ez den Olhaokoak dira (Algarve) eta 630.000 euroko aurrekontua izan dute Bigarren Mailan. Jorge Costa, Oportoko jokalari ohia, entrenatzailea da eta Djalmir brasildarra bere golegilerik onena.