Isla Canela, uztailak 16

Gaur goizeko lan saioa 10:20etan hasi da eta 50 minutu ingurukoa izan da. Benficaren aurkako partida buruan izanda, Caparrosek lantaldea bitan banandu du: zelai nagusian Iraizoz, Armando, Zubiaurre, Ocio, Koikili, Amorebieta, Orbaiz, David Lppez, Gurpegi, Toquero, Velez eta Susaeta jokalariek egin dute lan.

Gainontzekoak, Gabilondo eta Javi Martinez izan ezik, ondoko zelaian aritu dira, Javier Reyes lehen taldeko prestatzaile fisikoaren agindupean.

Lantaldeak 14:00etan bazkalduko du, eta Portugalerako bidea 20:30etan hartuko du Benficaren kontra jokatzeko (22:15etan, Estatu espainiarraren ordua, eta ETB1 kateak eskainiko du).

Fitxatu berri den Xabi Castillok kontzentrazioarekin egingo du bat gaur, ostegunez, 19:00ak inguru.

Bestalde, Carlos del Campo batzordekideak Isla Canela utziko du gaur eta arratsaldean Juan Pedro Guzman helduko da.