Isla Canela, uztailak 17

Benficaren aurkako atzoko partidaren ostean, gaur goizean Athleticen lan saioa ohi dena baino beranduago hasi da. Izan ere, espedizio zurigorriak nahiko berandu utzi zuen Vilarreal de San Antonioko udal futbol zelaia eta hotelera goizaldeko ordu biak inguruan heldu zen, atzoko partidaren atzerapenagatik eta Iraizozek, aurrelari portugaldar batekin elkar topo egitean jasan zuen astinaldi arinagatik.

Hortaz, lehoiek hitzordua izan dute gaur goizeko 11.15etan. Atzoko partida oso-osorik jokatu zutenek indar fisikoa berreskuratzeko ariketak egin dituzte, eta partidaren erdia gutxi gorabehera jokatu zutenek intentsitate handiagoz egin dute lan gimnasioan.

Arratsaldean, lantaldeak lan saioa egingo du 19:00etan futbol zelaian.