Isla Canela: uztailak 18

Athletic Clubek lan saioa egin du gaur goizean futbol zelaian ordu batez gutxi gorabehera. Atezainek Luis Llopisen aginduetara egin dute lan, eta Caparrosekin eta Luci Martinekin honako jokalari hauek aritu dira: Castillo, Ustaritz, Etxeita, Muniain, Etxeberria, Yeste, Iturraspe, Ion Velez, David Lopez, De Marcos, Eneko eta Orbaiz. Gainerako jokalariak alboko zelaian izan dira Javier Reyesekin, Gabilondo, Javi Martinez, De Cerio eta Toquero izan ezik. Azken honek ondoezak ditu eskumako belaunean, eta honen ondorioz, ez du lan saioan parte hartu badaezpada.

Atzo heldutako Fernando Llorentek luzapenak egin ditu taldeko fisioterapeutekin.

Anderlechten aurkako gaueko partidari begira (20etan, Estatu espainiarraren ordua), entrenatzaileak bere aginduetara lanean egon diren 12 jokalariak deitu ditu, eta gainera, Armando, Iraizoz, Zubiaurre, Koikili, Susaeta eta Gurpegi jokalariak. Taldeak Portugalerako bidea hartuko du 18:30etan.