Isla Canela: Uztailak 21

Athletic Clubeko lehen taldeak normaltasunez egin du lan Isla Canelako futbol zelaian. Caparrosen mutilek lan saio zorrotza egin dute bi orduz eta 20 minutuz. Javi Martinez ez da bertan egon. Eguerdiko hamabietan, lantaldeak hondartzarako bidea hartu du, errekuperaziozko ariketak egiteko bai hondarrean eta bai uretan ere.

Arratsaldeko lan saioa bi fasetan bananduko da, eta hoteleko gimnasioan egingo dute lan. Atzelariek eta erdilariek 17:45etan dute hitzordua, eta gainontzekoek, 19:00etan.