Orain arte zortzi jardunaldi jokatu ondoren eta txapelketen lehen laurdena betetzear dagoenean, Athletic Europako liga nagusietan gol gutxien jaso dituen bosgarren taldea da. Sailkapen honetan Sevilla, Chelsea, Manchester City eta Napoli bakarrik ditu aurretik, denak hiru tantorekin, zuri-gorriek baino bat gutxiago, eta 0,375 goleko portzentajea dute partidako, bilbotarren 0,5arekin alderatuta.

Gaur egun, LaLigan bederatzi talde daude partidako gol bat edo gutxiago jaso dituztenak, eta Athletic bigarren postuan dago norgehiagoka bakoitzeko gol erdiko batez bestekoarekin, andaluziarrek soilik gaindituta. Lehoien atzetik, Vila-realek bost ditu, 0,625eko koefizientea du, Atletico Madrilek sei, 0,75 jardunaldiko, eta Realak eta Espanyolek zazpi eta zortzi, biak lehia bat gehiagorekin, eta 0,778 eta 0,889 golekin partidako, hurrenez hurren. Aitzitik, Bartzelonak, Betisek eta Rayok gol bana hartu dute batez beste neurketa bakoitzean.

Premierren, Brightonek bost baloi jaso ditu bere sareetatik, Liverpoolek sei, Brentfordek zazpi eta Wolvesek zortzi, eta hurrenez hurren, ondorengo porzentajeak dituzte: 0,625, 0,75, 0,875 eta 1.

A Serieari dagokionez, Milanek zazpi gol daramatza kontran, 0,875eko portzentajearekin, eta Torinok zortzi, bat neurketa bakoitzeko. Bundesligan, defentsan talderik onena Friburgo da, sei tanto jaso baititu eta jardunaldi bakoitzeko 0,75 gol hartuz. Mainz 05, Bayern Munich eta RB Leipzig taldeei, berriz, zortzi gol egin dizkiete, ligako hitzordu bakoitzeko bat, batez beste. Azkenik, Ligue 1-ari erreparatuz, Niza nabarmentzen da bost tanto eta norgehiagoka bat gutxiagorekin, 0,556 bakoitzeko. Bestalde, Stade Rennaisek bederatzi ditu sailkapenean, 0,9 partidako, eta PSGk hamar, beste hainbeste jardunalditan.

LIGA	TALDEA	PARTIDAK	GOLAK	EHUNEKOA
ESP	SEVILLA	8	3	0,375
ING	CHELSEA	8	3	0,375
ING	MANCHESTER CITY	8	3	0,375
ITA	NAPOLI	8	3	0,375
ESP	ATHLETIC	8	4	0,500
FRA	NIZA	9	5	0,556
ESP	VILA-REAL	8	5	0,625
ING	BRIGHTON	8	5	0,625
ESP	ATLETICO	8	6	0,750
ING	LIVERPOOL	8	6	0,750
ALE	FRIBURGO	8	6	0,750
ESP	REALA	9	7	0,778
ING	BRENTFORD	8	7	0,875
ITA	AC MILAN	8	7	0,875
ESP	ESPANYOL	9	8	0,889
FRA	RENNES	10	9	0,900
FRA	PSG	10	10	1,000
ESP	BETIS	9	9	1,000
ESP	RAYO	9	9	1,000
ESP	BARTZELONA	8	8	1,000
ITA	TORINO	8	8	1,000
ALE	BAYERN MUNICH	8	8	1,000
ALE	RB LEIPZIG	8	8	1,000
ALE	MAINZ 05	8	8	1,000
ING	WOLVES	8	8	1,000