Liga etenaldiaren aurkako salaketa

Athletic Clubek, Lehen Mailako beste bost talderekin batera, salaketa aurkeztu du Zibil Auzitegian Liga etenaldiaren aurka. RCD Espanyol, Vila-real CF, Real Zaragoza, Real Sociedad, Sevilla FC eta Athletic Club salaketa zibila ezarri dute Madrilgo epaitegietan martxoaren 23an. Bertan FPL-ren joan den 2011ko otsailaren 11ko Ezohiko Batzar Nagusian Ligako Txapelketaren hogeita hamargarren jardunaldia eteteko akordioaren kontra egiten da. Halaber, arestian aipatutako salaketan kautelazko neurri batzuk hartzea eskatu da, jardunaldia egungo egutegian dagoen datan jokatu ahal izateko edo, gutxienez, salaketa aurkeztu duten sei kluben partidatan.

Gainera, klub hauek idazkiak bidali dizkiete FLP-ri, EEFF-ri eta Mediaprori, guztiei hogeita hamargarren jardunaldiko ordutegiak ezartzeko eta epaileak izendatzeko eskatuz.

Espanyol, Vila-real, Zaragoza, Real Sociedad, Sevilla eta Athletic Clubek, Málaga CF-rekin batera, asteartean arratsaldez eurek deitutako FPL-ren Lehen Mailako Batzordean, jardunaldia etetearen aurkako iritzia azaldu zuten, gainerako hamahiru taldek etenaldiaren alde agertu ziren bitartean.

Athletic Clubek eta beste bost talderen ordezkariek etenaldiaren aurkako argudio sorta mahai gainean ipini zuten, neurria gehiegizkoa, desordukoa, legaltasunaren aurkakoa, kluben interesen aurkakoa, lehiaketa eta zaleen aurkakoa delakoan.

Athletic Club bat dator eskakizunekin, hau da, alderdi politiko eta Gobernuarekin negoziatzeko birarekin, eta baita ere partida era irekian emateko betebeharraren desagerpenarekin, eta Jokoaren Legearen eta bere itzulerak futbol profesionalari buruzko salaketekin eta informazio eskubidea arautzearen alde dago. Klubotako bidezko eskubideak dira, batzuetan kendu dizkigutenak, eta funtsezkoak lehiaketaren bilakaera eta hazkundeari begira. Aitzitik, Athletic Club ez dator bat negoziazio estrategiarekin.