Peñen senidetzea

Zaletasun zurigorriak gorantza egiten segitzen du urrutian, eta horren adibidea da, Jaenen (Andaluzia), gure Athletic Clubeko peña bat sortu berri dela, Ubeda hirian, hain zuzen ere. Izan ere, 80. hamarkadan elkarte bat zegoen baina arrazoi desberdinengatik desagertu egin zen.

Gure Athleticeko gazte talde gogotsu batek antzinako peña horren lekukoa hartzea erabaki zuen ia hogei urte geroago, 2009an, eta urte horretako maiatzaren 13an elkarte berri hura sortu zen ofizialki.

Datorren apirilaren 3an, senidetze hau hasiko da Bailenen, bi peñen talde beteranoen arteko futbol partida batez, 11:00etatik aurrera, “19 de julio” udal zelai birmoldatuan. Partida amaitu ostean, Bailen peñako egoitzara egingo da bisita, eta bertan senidetze honen oroitzapenezko plaka-trukea egingo da. Beranduago, anaitasuneko bazkariaz gozatuko dugu.

Senidetzearen ekitaldien amaiera maiatzean izango da Ubedako hirian, oraindik zehaztu gabeko datan. Orduan, beteranoen arteko itzuleko partida jokatuko da eta anaitasuneko beste bazkari batek amaiera bikaina emango dio bi peña zurigorri zintzoen senidetzeari, kementsu eta bizitza luzekoa den Bailenekoaren, eta familia zurigorri handiaren gazteenetarikoa den “los leones de Ubeda”-koaren artekoa, alegia.

Hegoaldeko Elkartearen peña zurigorriak gonbidatuak izan dira ekitaldi honetara eta baita Athletic Clubeko nazioarteko peñen Federazioaren gune desberdinetakoak ere, hala nahi izanez gero.