Jokalari ohien Elkartearen agiria

Jokalari ohien Elkartearen agiria

Gaur, apirilaren 6an, asteazkenean, Deia egunkarian “El Athletic restringe a los veteranos el uso y disfrute de las instalaciones de Lezama” titulupean agertu den artikulua dela-eta, Athletic Clubeko Jokalari Ohien Zuzendaritza-batzordeak honako puntuak argitu nahi ditu:

1. Lezamako instalazioak erabiltzeko finkatu diren egokitze-neurriei dagokionez, ez dutela inolaz ere jokalari ohiengana debekuren baten itxura hartu adierazi nahi dugu; aitzitik, lehen taldearentzako gunea hobetzeko premia izan da.

2. Egokitze-neurri horiek ez diote inondik ere eragozpenik jarri

Elkarteak planifikatu dituen jardueren bilakaerari.

3. Lehen taldearentzat egokitutako mediku-gelak, gimnasioa eta barruko aparkalekua erabili ahal izatea benetazko pribilegioa izan da Elkarteko kideentzat, baina ez da inola ere gure eskubideetako bat izan.

4. Ipar Ligako partida batzuk Bizkaiko zenbait udalerrira aldatzearen erabakia Zuzendaritza-Batzorde honen borondatea izan da bakarrik, eta ez da inolaz ere Athletic Clubeko Zuzendaritza-Batzordearen edo kirol egituraren aginduren bat izan. Gure kirol partidak Lezamako instalakuntzetan jokatzeko aipatutakoek ez digute inoiz trabarik jarri.

5. AJE-k egindako adierazpenekin zer ikusirik ez duela argi utzi nahi du eta, era berean, jarrera hartze interesatuetan gure kolektiboa nahasteko edozein asmotik baztertzea nahi du. Halaber, anonimatuaren babesetik kanpo bakarrik egin beharreko adierazpenak dira egilearen nortasuna adieraziz.