San Prudentzioko VII. Jardunaldiak

Bizkaiko lau taldek eta Gipuzkoako beste batek, bakoitzak bere mailan lehen postuak eskuratu dituzte Emakumezkoen futboleko San Prudentzioko VII. Jardunaldietan. Asteburu honetan jokatu dira Betoñoko kirol instalazioetan, Gasteizen.

Talde hauek dira txapeldun gelditu direnak: Barakaldoko Pauldarrak infantil eta alebinetan, Oñatiko Aloña Mendi kadeteetan, Athletic Club jubeniletan eta Erandio seniorretan. Betoñoko zelaietan partida animatuak jokatuta lortu dute txapeldun izatea.

‘Asteburu batean futbolzaleak diren 740 neska kirolari elkartzea oso gutxitan lortzen den zerbait da ‘, azaldu du Iñaki Egües jardunaldien antolatzaileak. ‘Euskaldun zein errioxarrek euren joko ona erakutsi dute Gasteizera joandako kide eta familiengatik, azken orduan ekaitza eta euria ari bazuen ere’.

Erandio neskak taldeko Deborah, eta Pauldarrak taldeko Ohiane Baldezate aukeratu zituzten “jardunaldietako jokalaririk onenak’ eta Ane Ochoa de Zuazola y Leire Rodríguez, biak Gasteiz Cup-ekoak, “atezain onenen” titulua jaso zuten. Kopako fasean garaileak hauek izan ziren: Irungo Real Unión taldeko seniorrak, Irun Artia jubenilak, Bergara Infantilak eta Mariño alebinak. Dafne Triviñok zuzentzen duen Gasteiz Cup taldeko arabarrek bigarren postua eskuratu zuten infantiletan.

Beste talde batzuk joko bikaina erakutsi zuten euren mailetan; hala nola, Urki, Baskonia, La Merced, Iturgarpe, Bizkerre, Ikasberri, Tolosa, Hamaika Bat, Kaskagorri eta Amorebieta. Jardunaldien laguntzaileak Arabako Foru Aldundia, Coca Cola, Schuss eta Kaiku izan ziren.

Bertaratuen artean zeuden: Iñigo Juaristi, Emakumezkoen Athletic Clubaren koordinatzaile nagusia, Jose Alvarez, Bizkaiko selekziokoa, Emilio Ona, Arabako selekziokoa eta Iraia Iturregi, Athletic Clubeko jokalaria Superligan.