Bere egoitza den Ibaigane Jauregian, Mazarredo Zumarkalea 23, Bilboko Hiribilduan, bildu den Hauteskunde Batzordeak, dituen ahalmenen arabera eta hauteskunde prozesuaren bilakaera zuzena bermatzeko asmoz, beti ere Klubeko Estatutuen 72garren artikuluaren arabera, zera hau jakinarazi gura die Athletic Clubeko bazkideei:
1.- Hedabideen bitartez Presidentetza eta Zuzendaritza Batzorderako hautagaiak osatzeko bermeak eskuratzeko balizko dokumentuen berri izan dela. Esaterako El Correo egunkariaN 2011ko maiatzaren 20aren edizioan, 70. orrialdea, Bizkaiko edizioa, jasotzen dena.
2.- Hauteskunde Batzordeak zera hau jakinarazi gura du: arestian aipaturiko agiriak zabaltzea Klubeko hauteskunde-arautegiaren urratze oso larria izan daitekeela, hauteskundeak deitu barik egonda eta, agi denez, hautagaiak aurkeztu barik ere, eta, gainera Hauteskunde Batzordeak ofizialki onartu duen modeloa ez delako.
3.- Presidentetza eta Zuzendaritza Batzordea aukeratzeko hauteskunde prozesuari dagokionez, bazkideei gogorarazten zaie soilik Klubek argitaratutako inprimaki ofizialetan jasotako hautagaitzen bermeak baliozkoak izango direla. Bertan, sinaduraz gain, izen-abizenak, indarrean dagoen NAN, eta bazkide kodea agertu behar dira, hauteskunde prozesu bakoitzari dagokion Hauteskunde Batzordearen onarpenarekin.
4.- Hauteskunde Batzordeak bazkideei gogorarazten die Hauteskunde Batzordeak berak onartu duen eta Klubek argitaratu duen bestelako dokumentazioan edota Klubeko Estatutuetako 73. artikuluan zehazten diren epez kanpo aurkeztuko den edozein berme baliogabetzat hartuko dela.
Bilbon, 2011ko, maiatzaren 20an.
HAUTESKUNDE BATZORDEAK