Digitalek ikus-entzunezko eskubideak erosi ditu

Akordioa 2012-2013 denboralditik aurrera gauzatuko da


Hitzarmenaren arabera, ikus-entzunezko operadoreak 2012-13, 2013-14 eta 2014-15 denboraldietan Athletic Clubek Ligan eta Kopan jokatuko dituen partiden igorpen-eskubideak erosi du Canal+ eta Digital+ kateentzako. Hitzarmen honek futbol talde baten eta telebista operadore baten arteko harremanaren eredu berria ekarri du, elkarrenganako hazkundea eta negoziorako esparru berriak sortzeko asmoz.

Prisa TV-k eta Athletic Clubek sinatu duten akordioaren arabera, Canal+ eta Digital+ kateen jabea den telebista operadoreak klubaren igorpen-eskubideak erosi ditu 2012-13, 2013-14 eta 2014-15 denboraldietarako. Hitzarmenean Athleticek Ligan eta Kopan jokatuko dituen partidak sartzen dira.

Prisa TV eta Athletic Cluben arteko elkarren arteko laguntza honen jomuga nagusia ikus-entzunezko eskubideen ustiapenean elkarrenganako hazkundearen eredua ahal den eta gehienera bilakatzea eta miatzea izango da. Gauzak horrela, Canal+-ek eta Athletic Clubek elkarrekin jardungo dute futbol profesionalaren ikus-entzunezko eskubideen ustiapen merkatua zabaltzeko eta klubeko irudia indartzeko asmoz.

Pedro Garcia Guillenek, Prisa TV-ren kontseilari delegatuak, azpimarratu nahi izan du “akordio mota honen bidez, Espainiako Ligaren telebista eskubideen merkatura egonkortasuna itzultzeko lanean segitzen duela erakusten du Prisa TV-k”. Oso pozik gaude Athletic bezalako talde garrantzitsuarekin urrats hau emateagatik”. Halaber, Garcia Guillenek aipatu du “Prisa TV bere eskuak zabalik dituela ildo honetatik lanean segitzeko eta, bide batez, modelo berri bat ezartzen jarraitzeko”.

Bestalde, Fernando Garcia Macuak, Athletic Clubeko Kudeaketa Batzordearen presidenteak, adierazi du “Klubarentzat oso hitzarmen ona da nola kualitatiboki hala kuantitatiboki, esparru guztietan oinarri sendoetan hazteko dugun helburu estrategikoa betetzeko beste urrats bat da eta, aldi berean, gure futbolaren talde garrantzitsuenen artean Athletici dagokion lekuan egituraren aldetik ezartzeko. Horrez gain, kluba eta operadorearen arteko harremanaren kontzeptu berri bat ekarri du, alde guztientzako emaitza hobeagoetara heltzeko ahalegin komunean oinarritua”.