Athletic Clubek San Mameseko Hegoaldeko Behe Harmailan jesarlekua duten bazkide guztiei bidali die eskutitz bat zera adieraziz: UEFA Europa League-n hurrengo edizioan jokatuko dugunez, lehiaketa horrek duen segurtasunaren inguruko araudia bete behar duela Klubak. Zehazki, UEFA Europa League-eko Araudiaren 14. artikuluko 8. puntua: “klubek gutxienez zelaiaren edukieraren %5a esleitu behar dute zaletu bisitarientzat, aparteko zonalde seguru batean…”, azkenean erreserbatutako eserleku horiek guztiak horretarako erabiltzen diren edo ez kontuan izan gabe. Ertzaintzaren Segurtasun Zuzendaritzak eta Joko eta Ikuskizunetako Zuzendaritzak, biak ere Eusko Jaurlaritzako Herrizaingo Sailakoak, zehaztu dute Hegoaldeko Behe Harmaila dela horretarako kokagunerik egokiena eta seguruena.
Kaltetutako bazkideentzat, Klubak Tribunako beste eserleku bat hartzeko aukera emango du, bere balioaren %50ean, agindu hau betetzean eragin dituen kalteen ordain gisa. Klubak kasu bakoitzean jakinaraziko du zein datatan eta zein modutan eskuratu daitezkeen sarrerak edo taldekako faseen bonua.
Honi buruzko edozein zalantza argitzeko 94 424 08 77 telefono zenbakian edo [email protected] helbide elektronikoan egin daiteke.