Ohiko Batzar Nagusia

Athletic Clubeko Zuzendaritza Batzordeak estatutuetako 19, 23 eta 54.2 artikuluetan jasotzen denez, Athletic Clubeko bazkide konpromisarioei dei egiten die Ohiko Batzar Nagusian parte har dezaten. Batzarra Bilbon egingo da, Euskalduna Jauregian, 2011ko urriaren hamarrean, astelehenean, 19:15etan lehenengo deialdian eta 19:30etan bigarren deialdian, ondoko gai zerrendaren arabera:

GAI ZERRENDA

LEHENA: Aurreko Ekitaldi ekonomikoari dagozkien Kontuak, Memoria, Balantzea eta aurreko Zuzendaritza Batzordeak egindako Kudeaketaren onarpena, horrela erabakitzen bada.

BIGARRENA: Hurrengo Ekitaldi Ekonomikorako prestatu den Aurrekontuaren onarpena, horrela erabakitzen bada, kuoten egokitzapenaren proposamena barne.

HIRUGARRENA: Zuzendaritza Batzordearen egitasmoak eta proposamenak

LAUGARRENA: Bazkideek egin litzaketen proposamenak, baldin eta Batzarra ospatu baino bost egun lehenago aurkeztu badira eta bazkide konpromisarioen %10ek edo bozka emateko eskubidea duten bazkideen %2ek sinaturik badatoz.

BOSGARRENA: Eskari-galderak.

Halaber, ondoko gaien berri ematen diegu bazkideei:

Lehenengoa: Athletic Clubeko estatutuen 27. artikuluak arautzen duenaren arabera, batzarra baliozkotasunez eratuko da, lehen deialdian, batzarreko kide guztien erdia gutxienez agertzen bada. Bigarren deialdian, nahikoa da batzarreko kide guztien ehuneko hamar agertzea.

Bigarrena: Athletic Clubeko estatutuen 31. artikuluak arautzen duenaren arabera, batzar honetako agiri guztiak bazkideen eskura daude Athletic Cluben egoitzan.

Hirugarrena: Hautestontziak irekiko dira Batzarra indarrean dagoen unetik bertatik eta itxiko dira parte hartzaileen hitzak amaitu eta zentzuzko tartea utzi ostean.

Laugarrena: Estatutuen 25. artikuluaren arabera, nortasun agiria aurkeztea eskatuko da Batzar Nagusia egingo den aretora sartu ahal izateko.

Bilbon, 2011eko irailaren 22an

Presidentea
Josu Urrutia Telleria Jn.

Idazkaria
Javier Aldazabal Etxebarria Jn.