Aritz Adurizek ‘Lehoi Bihotza Saria’ irabazi du

Zallako Athletic Club Peñak Aritz Aduriz jokalariari X. ‘Lehoi Bihotza Saria’ emango dio bihar asteazkenean, hilak 20, 19:00etatik aurrera Enkarterriko elkarte honek duen egoitzan. Garaikur honek Athletic Club ordezkatzen dituen baloreekin gehien identifikatzen diren lehen taldeko jokalariak saritzea du helburu. Ekitaldia Ohorezko Aurresku batekin hasiko da eta horren ondoren, saritutako jokalariak eta Zallara joko duten ordezkaritza zurigorriaren gainerako kideek mahai-inguru batean hartuko dute parte.