Peñen Anaitasuna Karrantzan

Joan den abenduaren 7an Ambasaguasen (Karrantzako Arana), Karrantzako Axur eta El Ejidoko Andoni Goikoetxea Peñen arteko anaitasun eguna ospatu zen.

Lehenik Kultur dantzak izan ziren kirol pabilioian eta gero, herritik ibili ondoren, ohiko Aurreskua peñen bi presidente eta bazkideen ohorez. Bi peñen artean opariak trukatu ziren eta jarraian bazkideen arteko anaitasun bazkaria izan zan. Bi peñen artean ia 1.000 km daude baina batera famili handi eta zurigorria osatzen dugu. 60 bazkide inguru hurbildu ziren ekitaldira.