Thinking Football Film Festival 2015

Athletic Club Fundazioak, Sala BBK aretoarekin eta Bilboko Udalarekin batera, Thinking Football Film Festival jaialdiaren hirugarren edizioa aurkezten dute, zineari eta futbolari buruzko jaialdia. 2015eko otsailaren 9 eta 14 bitarte burutuko da Bilboko BBK aretoan, eta hamar luzemetraia dokumental emitituko dira. Dokumental horiek futbolak gaur egungo gizarteetan duen paperari buruzko hausnarketa egiten laguntzen dute.

2015ekoa Thinking Football Film Festival jaialdiaren hirugarren edizioa izango da. Bertan hainbat herrialdetako hamar dokumental emitituko dira: Brasil, Frantzia, Alemania, Estatu Batuak, Polonia edo Erresuma Batua. Dokumental horietan futbol jokalarien eta kluben portaera soziala eta politikoa aztertzen da, futbola gizarteratzeko tresna gisa, agintari politikoek futbolaz egiten duten erabilera, etab. Dokumental hauetako gehienak espainiar Estatuan argitara eman gabeak dira eta jatorrizko bertsioan aurkezten dira, horien artean “Foot et Immigration: 100 ans d’histoire commune”, Eric Cantonak idatzi eta zuzendutako dokumentala.

Urtero bezala, ikusleen parte hartzeari esker ikusleen saria emango zaio filmarik onenari. Sari hori ekonomikoa da eta saria jasotzen duen filmaren zuzendariak kirolarekin zerikusia duen proiektu sozial bati eman beharko dio. Aurreko urteetako irabazleak hauek izan dira: Los Rebeldes del Fútbol (Gilles Perez eta Gilles Rof, Frantzia, 2012) 2013ko edizioan eta Next Goal Wins (Mike Brett eta Steve Jamison, Ingalaterra, 2014) 2014ko edizioan.

Thinking Football Film Festival-ek Barcelo Bidaiak, Bilboko Melia Hotela, Metro Bilbao, Panenka aldizkaria, Libero aldizkaria, Cimemania aldizkaria, Euroseating, Poloniar Kultura Institutua eta Off Side (Bartzelona), 11mm Film Festival (Berlin) eta CineFootb (Brasil) kide diren zinema-jaialdien laguntza eskuzabala du.