Thinking Football 2016: Sariak

Thinking Football Film Festivaleko ikusleek Bhojrat Bhat zuzendariaren ‘ Sunakali’ dokumentala aukeratu dute 2016ko edizioko onena. Angel Garraza euskal eskultorearen eskultura eta 2.000 euroko saria 2017ko edizioaren irekiera ekitaldian emango dira eta zuzendariak futbolarekin zerikusia duen proiektu sozial bati eman beharko dio.

Bestetik, Athletic Club Fundazioak eta Loraldiak gaur arratsaldean eman dute euskaraz egindako bideoentzako Thinking Football- Loraldia lehen saria. Saria Jabi Juberari eta Eñaut Barandiarani eman diote “Jokoz kanpo” lanagatik.

Epaimahaia Iratxe Fresneda, Jon Maia, Itziar Ituño eta Ana Angulok osatu dute eta finalista gisa lan hauek hautatu zituzten: Irene Urruzolaren “Hako hako”, Irene Fernandezen “Uuuuuyyy!” eta Gorka Irizarren “Athletic ez du generorik”.
Bideo guztiak hurrengo asteetan ikusi ahal izango dira San Mameseko bideomarkagailuan partida egunetan.