Josu Urrutiaren elkarrizketa eta prentsaurrekoa

Josu Urrutiak, Athletic Clubeko presidenteak, erantzuna emango dio elkarrizketa batean Bazkideen Txokoaren bitartez (‘Galdetu Urrutiari’ atalean) edota Twitter zein Facebooken bitartez (#galdetuUrrutia traola erabiliz) bazkideek eta zaleek egingo dizkioten galderetako sortari.

Galderak egiteko epea irailaren 7an, 17:00etan amaituko da. Elkarrizketa aukeratutako galderekin Athletic Clubek YouTuben duen kanalean (TVAthleticClub) argitaratuko da.

Halaber, Josu Urrutia presidenteak, ohiko prentsaurrekoa eskainiko du irailaren 13an, asteartean, San Mameseko Jose Iragorri prentsa aretoan zehaztu barik dagoen ordutegian.