2018ko Thinking Football Saria

2018ko Thinking Football Film Festival jaialdira gerturatutako publikoaren botoak zenbatu ostean, Athletic Club Fundazioak atsegin handiz jakinarazten du, Publikoaren 2018ko Thinking Football Saria Stewart Sugg zuzendariaren “Kenny” filmak irabazi duela.

Saria 2019ko edizioaren irekiera-ekitaldian emango da. Adopziozko hiria izen zuen Liverpoolen historiarekin bizitza eta karrera lotu zituen gizon baten historia kontatzen du. Kenny Dalglish jokalariak, “Erregea” ezizenez ezagutua, zaleen babes eta maitasun osoa lortu zituen Liverpool FC taldean egon zen bitartean. Jokalari eta entrenatzaile gisa 27 trofeo lortu zituen. Hala ere, esan dezakegu bere erronkarik handiena Hillsborough-eko 89ko zoritxarraren ondorioz lortu zuela. Egun hartan Liverpool-eko 96 zale hil ziren. Horren ostean, Kenny Dalglish itxaropen eta sendotasun ikur bilakatu zen, biktimentzako justiziaren aldeko borrokari ekinez. Inspiratzailea, boteretsua, dibertigarria, baina batzuetan nahigabe eragilea, hori da Merseyside eskualde osoaren bihotza ostu zuen gizon harroaren erretratua.