Erabili zure bazkide txartela Athletic Club-RC Celta partidan

RC Celtaren aurkako Ligaren hurrengo neurketa dela eta, Aste Santuko larunbatean jokatuko dena, martxoaren 31n, 16:15ean, Athletic Clubek partidara joango ez diren bazkide guztiei San Mameseko bere jarlekua hutsik gera ez dadin eskatzen die.

Hirugarren bati maileguz emateaz gain, Klubak gogora ekartzen du txartela lagatzeko aukera dagoela bere web orrialdeko Bazkideen Txokoaren bitartez. Aukera honen bidez, txartela lagatzen duen bazkideak onartuko du Klubak hari dagokion sarrera salgai jartzea, bere salmentaren zenbateko gordinaren %50aren truke, hala gertatuz gero.