Bilbao Athletic: sarbideak eta edukiera Lezaman

Gaur, maiatzaren 13an, igandean, Lezamako 2 zenbakidun zelaian 18:00etatik aurrera Bilbao Athleticek eta CD Tudelanok jokatuko duten Bigarren B Mailako II Multzoaren azken jardunaldiari dagokion partida dela eta, zale askoren presentzia espero dela kontuan hartuta, ahal den neurrian lehenago etortzea eskatzen da. Sarbidea ahalbidetuko da soilik edukiera bete arte. Aldi berean, Athletic Clubek gogoratu gura du aparkalekuaren edukiera 300 ibilgailuentzako dela eta, hori osatzeko, Lezamako udalerrian publiko eta doakoak diren aparkaleku bi daudela. Dena den, garraio publikoa erabiltzea gomendatzen da.