Yuri Berchicheren aurkezpena San Mamesen

Josu Urrutia Athletic Clubeko presidenteak Yuri Berchiche jokalari berria datozen lau denboraldietarako aurkeztu du uztailaren 6an, ostiralean. Zarautzeko atzelariak 2022. urtera arte sinatu du eta bere kontratuaren etete klausula 100 milioi eurokoa da. Aurkezpena San Mameseko Jose Iragorri prentsa aretoan egin da eta, horren ondoren, jokalariak soropilera jo du kamiseta zuri-gorri berriarekin ikus-entzunezko ohiko saioa egitera. Ongi etorri, Yuri!