Athletic Clubek bere webgune berria aurkezten du

Athletic Clubek bere webgune ofiziala aurkeztu du gaur. Duela bi hilabete online denda berritua argitaratu zenetik, gaurkoa beste aurrerapauso bat izan da. Bi mugarri hauek, eta aurrerantzean batuko zaizkienak, Klubaren Eraldaketa Digitalaren prozesuaren baitan daude. Prozesu honek erakundearen gestio alorrean (bazkideekin, zaleekin, peñekin eta bezeroekin harreman zuzenak) eta kirol kudeaketan (teknikariak, jokalariak, mediku-zerbitzuak eta administrazioa) eragina izan du.

Webgune berriaren garapena egiteko barne-analisi prozesua egiteaz gain, egunerokotasunean gure webgunea bisitatzen dituztenen beharren ikerketa ere egin da. Lan honen emaitza da ikusgain dagoen web orri berritua eta honen bidez gure erakundeak gizartearekin bat egingo du.

Gaur arte egin diren aldaketak etorkizunean egingo diren beste batzuen zati bat dira. Izan ere, funtzionalitate eta eduki batzuk aurrerago argitaratuko dira. Aldaketa hauen artean ondorengoak azpimarratuko genituzke:

1.  Esperientzia digitala. Gure helburua da inpaktua izango dituzten esperientziak sortzea eta horretarako erabiltzailearen betaurrekoak jarri ditugu gure komunikazio digitalaren erdigunean. Edukietara ahalik eta modu errazenean iristeko tresna eraginkorra eskaintzen dugu.
2.  Irudi berria. Athletic Cluben gure irudia berritzen saiatu gara, ez soilik garai berrietara egokitzeko, baizik eta nazioartean erreferenteak diren taldeen aldamenean egoteko.
3. Sakelako telefonorako prest. Gure informazioa mugikorretatik zein tabletetatik jasotzen duten erabiltzaileengandik gertu egon nahi dugu. Webgune berri hau prest dago edozein gailutan esperientziarik onena eskaintzeko.

Laburbilduz, helburu nagusia da gune erabilgarriagoa eskaintzea bazkideentzat eta zaleentzat.

Webgune berriaren aurkezpenarekin batera, erabiltzaile guztien iritzia jakin gura genuke. 2000. urteko webgunea bisitatu zuten aintzindariekin eta baita estrainekoz nabigatzen ari direnekin ere. Horretarako orrialde honetan inkesta txiki bat gehitu dugu.

Zeure iruzkinak iristarazteaz gain, zure iritzia partekatzeagatik VIP sarrera biren bost pack-etako bat irabaz dezakezu. VIP sarrera hauek Ligako bigarren itzuliko FC Bartzelonaren aurkako norgehiagoka ikusteko izango dira.