Sevilla FC-Athletic Club partidarako sarrerak

Sevilla FC-ek 575 sarrera eskaini dizkio Athletic Clubi gure taldearen aurkako norgehiagoka ikusteko, horietako 100 Klubeko konpromezuentzat gordetzen dira.

Partida hori ikusteko dauden 475 sarreretakoren bat erosi nahi duten bazkideek Klubeko webgune ofizialaren bitartez inskribatu daitezke maiatzaren 9tik, osteguna, 10:00etatik, maiatzaren 14ra arte, asteartea, 10:00etara.

Beharrezko balitz, zozketa maiatzaren 14an, asteartean, 12:00etan egingo litzateke.

Sarreren prezioa 45 eurotakoa da.

Sarrerak hartzeko bazkide saridunen txartel originalak aurkeztea beharrezkoa izango da, baita sarreren erabiltzaileen izen-abizenak, jaiotze data eta NAN zenbakia adieraztea ere.

Sarrera bat erosteko eskubidearekin saritua izan den bazkideak sarrera hartuko ez balu, ezta berau ordaindu ere, parte hartzeko gaitasunik gabe geratuko dela edozein lehiaketarako klubak antola dezakeen beste zozketaren batean. Denboraldi berean bigarrenez berdin jokatuz gero, edozein lehiaketarako sarrerak eskuratzeko gaitasungabetzea 365 egunekoa izango da.